減肥是女人一生工作　陳淑蘭實測7日雜菜湯減肥法

踏入12月直到新年，再邁向農曆新年，你避不過應酬，和朋友們大吃大喝。於是「肥水不流別人田」便變成「肥膏不流別人身」、「斤斤脂肪向肚留」。肥死人，慘哉。

一邊吃卻一邊不停搵捷徑減肥。之前我試過好多減肥方法，例如軍人使用的減肥餐單Military Diet。據稱這餐單是美國軍人為了在體檢前迅速減重時使用的，只要三天內依足餐單食再加運動，便可在三日瘦五磅。

【延伸閱讀】200磅肥仔的減肥實例　如何1年減掉100磅？

之後我又試過七日雜菜湯減肥法，每日喝以下雜菜湯︰六個大洋蔥、四至六個番茄、一個大椰菜、三個青辣椒、一個芹菜配適量鹽、胡椒、咖喱、芫荽等（肚餓時隨意進食）。

第一天︰生果（除香蕉）＋雜菜湯；可飲不含糖的茶、紅莓汁及水。

第二天︰生或熟的綠色蔬菜（不可吃豆類式粟米）＋雜菜湯；晚餐可吃一個牛油焗薯仔，不可吃生果。

第三天︰混合第一、二天，吃生果＋蔬菜＋雜菜湯，不能吃薯仔。

第四天︰最多吃八隻香蕉+脫脂奶+雜菜湯。

第五天︰10至12安士牛肉+一罐番茄或六隻鮮番茄+飲六至八杯水；至少一餐雜菜湯。

第六天︰牛肉＋綠色蔬菜；至少一餐雜菜湯。

第七天︰紅米＋無糖份的菜汁和果汁；至少一餐雜菜湯。

因以上兩種減肥法都有很多食物限制，於是你join朋友開餐時，人家食山珍海味，你卻只能食你自己的香蕉，慘豬。結果索性不出街食飯，孤獨地食自己。如此減肥餐，搞到自己由抑制變抑鬱。

後來給我發現高蛋白低碳水化合物飲食，是最適合我的減肥方法，至少我依舊可同朋友共餐，不再孤獨，但它亦有很多副作用。

【延伸閱讀】減肥過度可致卵巢早衰　導致不育或提早出現更年期

唉！減肥是女人一生的工作，誰叫我為食又不自律呢？惟有繼續尋找更適合自己的減肥秘方！

原文刊於《晴報》，《晴報》facebook